｜簡介｜

詩集出版計畫，收錄110首以上客語新詩，係詩人邱一帆2019年到2024年這四年零來个詩歌作品合輯。主題內容包括：社會个關懷摎同情，母語个招喚摎反省、自然个描寫同愁慮、政治个反省同批判、族群主體个思考同關心等等，表現詩人對自家生活裡肚个人文同自然个深深關懷，用客語新詩个形式摎佢表現出來，豐富臺灣客語新詩个內涵，提升客語个文學創作摎運用。

｜作者｜

邱一帆
係苗栗縣南庄鄉人，新竹師院台灣語文教育研究所畢業，現下係國立中央大學客家學院客家語文技社會科學系博士候選人，在苗栗南庄國小教書、合力創刊《文學客家》。從1994年開始，在客語文學个創作、研究、教學領域持續耕耘，不斷發表，希望客語文學在台灣文學个園地開花結果，分大家欣賞、肯定客語文學。作品識得過苗栗縣夢花文學獎、李江卻台語文學獎、教育部客語文學獎等，作品選入《收冬戲－客家詩與歌交會的慶典》、《客委會－臺灣客家文學選集Ⅰ》、《教育部－台灣客家語朗讀文章選輯》、「國立台灣文學館－母語文學常設展」、《台灣詩選》等。

出版有客語詩集《有影》、《田螺》、《油桐花下个思念》、《山肚个暗夜》、《阿姆个心事》、《心靈个故鄉》、《起一堆火在路脣》；客語散文集《長流水》。論述《族群．語言．文學》、《詩人．語言．文學》。追求客語文學个藝術化，追求客家文學論文个客語化，係佢個人從事客家語文學創作、研究个心得，也係其堅持个理想。